प्रतिनिधी- सुधीर घाटाळ -9834756487
डहाणू (गंजाड, दि.८ ऑक्टोबर )ग्रामपंचायत गंजाड येथे “एक पाऊल स्वच्छतेकडे” या उपक्रमांतर्गत प्लास्टिक बँक आणि मटेरियल रिकव्हरी फॅसिलिटी (MRF) शेडचे उद्घाटन पालघर जिल्हा परिषदेचे मुख्य कार्यकारी अधिकारी मा. मनोज रानडे यांच्या शुभहस्ते पार पडले.
हा उपक्रम CWAS, CRDF, CEPT University Ahmedabad यांच्या HDFC Bank CSR च्या सहयोगाने राबविण्यात आला आहे. “स्वच्छ गंजाड – सुंदर गंजाड” या संकल्पनेतून गंजाड ग्रामपंचायतीने स्वच्छतेच्या दिशेने एक महत्वाचे पाऊल टाकले आहे.ग्रामपंचायत गंजाड अंतर्गत सहा महसूल गावे व एक मोठी बाजारपेठ असून, दररोज मोठ्या प्रमाणात प्लास्टिक कचरा निर्माण होतो. या समस्येवर उपाय म्हणून प्लास्टिक संकलन, विलगीकरण आणि पुनर्प्रक्रिया यासाठी हे केंद्र उभारण्यात आले आहे. या माध्यमातून “प्लास्टिक मुक्त गंजाड” करण्याचे उद्दिष्ट ठेवण्यात आले आहे.
कार्यक्रमाला प्रमुख पाहुणे म्हणून मा. मनोज रानडे (मुख्य कार्यकारी अधिकारी, पालघर जिल्हा परिषद),अतुल पारसकर (उपमुख्य कार्यकारी अधिकारी), पल्लवी सस्ते (गट विकास अधिकारी, डहाणू)
यांची उपस्थिती लाभली.
या कार्यक्रमाचे नियोजन ग्रामपंचायतीच्या वतीने लोकनियुक्त सरपंच अभिजीत देसक, उपसरपंच कौशल कामडी, ग्रामपंचायत अधिकारी रुपल संखे, सदस्य विलास वरखंडे, अरविंद लाखन, रुपेश घोरखाणा, तंटामुक्ती अध्यक्ष प्रविण वरठा, ग्रामपंचायत कर्मचारीवर्ग, महिला बचत गट, तसेच CWAS, CRDF, CEPT टीममधील उपासना, चिराग, मनीष, अपूर्व, राजू, शिवानी, विशाल, आरफात आदी मान्यवरांच्या उपस्थितीत पार पडला.
या निमित्ताने ग्रामस्थांमध्ये स्वच्छतेबाबत जागरूकता निर्माण झाली असून, गंजाड गाव “स्वच्छ आणि सुंदर गंजाड” या दिशेने वाटचाल करत आहे.
