संपादक -सुधीर घाटाळ
उधवा येथे ईद-ए-मिलादचा शांतीपूर्ण आणि भव्य उत्सव संपन्न
ईद-ए-मिलाद या पवित्र सणानिमित्त उधवा येथे शुक्रवारी, ५ सप्टेंबर रोजी सकाळी ९ ते दुपारी १ वाजेपर्यंत भव्य आणि शिस्तबद्ध जुलूसाचे आयोजन करण्यात आले होते. दरवर्षीप्रमाणे यंदाही काढण्यात आलेल्या या रॅलीत शेकडो मुस्लिम बांधव मोठ्या श्रद्धा, उत्साह आणि आनंदाने सहभागी झाले.
शिस्तबद्ध आणि उत्साहवर्धक वातावरण मज्जिदपासून सुरू झालेला जुलूस प्राथमिक आरोग्य केंद्रापर्यंत मोठ्या उत्साहात पार पडला. जुलूसादरम्यान “नारे-ए-तकबीर, अल्लाहु अकबर” यांसह विविध धार्मिक घोषणांनी संपूर्ण परिसर दुमदुमून गेला. लहानांपासून ज्येष्ठांपर्यंत सर्वांनी सहभाग घेतला. महिलाही पारंपरिक पोशाखात उपस्थित राहून उत्सवाला विशेष आकर्षण मिळाले.पोलीस प्रशासनाचा दक्षतेचा सजग ताफा जुलूसादरम्यान कायदा व सुव्यवस्था सुरळीत राहावी यासाठी पोलीस प्रशासनाकडून काटेकोर बंदोबस्त ठेवण्यात आला होता.
पोलिसांनी संपूर्ण मार्गावर दक्षता राखून नागरिकांना सुरक्षिततेचा विश्वास दिला. त्याचबरोबर मुस्लिम बांधवांनीही शिस्त आणि शांतीचे पालन करत प्रशासनास संपूर्ण सहकार्य केले.एकोपा आणि धार्मिक सलोखा अधोरेखित या जुलूसात उधवा सुन्नी जुम्मा मजिद ट्रस्टचे ट्रस्टी, मान्यवर सदस्य, स्थानिक नागरिक, पत्रकार अशरफ खान तसेच अनेक सामाजिक कार्यकर्ते सहभागी झाले होते. या कार्यक्रमात धार्मिक सलोखा, सामाजिक ऐक्य आणि भाईचारा यांचा प्रभावी संदेश देण्यात आला.
गावकऱ्यांनीही उत्स्फूर्त सहभाग नोंदवत ऐक्याचे दर्शन घडवले.उत्सवाचे यशस्वी आयोजन भव्य रॅलीमुळे उधवा परिसरात उत्सवी वातावरण निर्माण झाले होते. नागरिकांनी एकमेकांना शुभेच्छा दिल्या तर पोलीस प्रशासनाने मुस्लिम बांधवांना भेट देऊन सणाच्या हार्दिक शुभेच्छा दिल्या. अखेर शांती, सौहार्द आणि एकोप्याचा संदेश देत उधवा येथील ईद-ए-मिलादचा हा मोठा उत्सव यशस्वीरित्या आणि भव्यतेने संपन्न झाला.
अधिक बातमी किंवा जाहिरात साठी संपर्क-9834756487
